Cio chi duvia essa ghjornu d’accolta, di scambiu e di festa s’hè trasfurmatu di sirintina in un drama umanu.
In issi mumenti d’imputenza, d’intarrugazioni e di dulori, pinsemu a issa donna chi si n’hè andata pa’ un altru e ultimu viaghjiu, à a so famidda e i so amichi. Pinsemu à i feriti à i soii, spirendu chi prestu prestu ritruvessini i chjassi di a vita.
Pinsemu à i nosci amichi di l’Acciaghju chi, sempri incù a so amicizia, u so cori è a so ginerusità ci hani apartu u so ristoranti. Pinsemu à tutti quiddi chi, d’una manera o di l’altra so stati tocchi da ‘ssa disgrazia.
Oghji ch’hè oghji hè tempu di racugliamentu e di prichera.
Chi si pò fà di pettu à a fatalità ?
Dumandemu a ugnunu di pinsà à tutti quiddi chi straziani di pettu à issa sorti inghjusta sorti e di sparta a so pena.
Envoyer à un ami
Version imprimable
