Raphaël Poletti / Université de Corse
Inde un cuntestu sanitariu mai vistu chì mette a Corsica à l’avanti scena, hè dinù l’Università di Corsica in prima linea inde a lotta contru à u coronavirus. Dapoi u principiu di a crisa, sò parechje l’iniziative nant’à u campus di Corti da fà fronte à l’epidemia. Hà purtatu l’istituzione sta situazione mai vista à piglià assai prestu unepoche di misure, cambiendu u so funziunamentu internu per via di u cunfinamentu. Subbitu u 9 di marzu, una settimana prima di e direttive di u guvernu, hè stata l’Università di Corsica a prima di Francia à chjode e so porte à i studienti, di pettu à i risichi sanitarii inghjennati da l’epidemia, chì era stata a cità d’Aiacciu unu di i primi « clusters » à u livellu naziunale.
Dapoi tandu, seguiteghjanu i 4700 studienti di u campus di Corti l’insignamenti in casa per via di una piattaforma di corsi in linea sviluppata da a so Direzzione di i Sistemi d’Infurmazione. S’ella esistia digià prima ch’ellu chjodi u stabilimentu, hè stata allargata l’offerta da pudè assicurà u megliu pussibule a cuntinuità pedagogica. Tandu, ci ponu arrecà l’insignanti unepochi di ducumenti, l’esercizii, i filmetti o prupone visiocunferenze. « Ci hà custretti sta situazione inedita è scuncertante assai à turnà à pensà i nostri schemi, à custruisce dispusitivi innuvanti è à turnà à inventà e nostre pratiche, spieca Dominique Federici, u presidente di l’Università di Corsica. Puru s’ellu ùn si puderà mai rimpiazzà a prisenza incù un corsu à distanza, u nostru scopu hè di mantene una leia stretta incù i nostri studienti è di mette tuttu in ballu per assicurà una cuntinuità pedagogica. Hè statu accoltu stu metudu di modu favurevule assai da a cumunità universitaria, chì hà adupratu prestu st’eserciziu incù più di 2600 corsi pruposti. U numeru di cunnezzione nant’à a piattaforma hè statu multiplicatu via quattru dapoi ch’ellu hè chjosu u campus ».
Da pudè accumpagnà i studienti inde stu periudu, si sò messi in ballu l’Università di Corsica è u Crous di Corsica per porghje a manu à quelli chì sò in difficultà per via d’una cellula di sustegnu cumposta d’assistante suciale è di persunali di a Direzzione di i Studii è a vita Universitaria. Sò dinù messi à dispusizione u materiale infurmaticu è l’aiuti finanziarii. Si sò impegnati propiu inde sta dimarchja a Fundazione di l’Università di Corsica è i so partinarii. Per un dettu, hà mubilizatu a Fundazione l’intraprese di a grande distribuzione da pudè mette boni di cumprera à dispusizione di i studienti in situazione di precarità è d’isulamentu. « Vene st’uperazione in cumplementu di quelle chì sò messe in ballu da l’Università è da u Crous, preciseghja Graziella Luisi, a direttrice di a Fundazione. Si sò digià fatti cunnosce una cinquantina di studienti in difficultà per via di a nostra cellula d’urgenza da ch’elli ne possinu benefizià ».
Intantu, ùn hè ristrinta à u campus di Corti l’azzione di l’Università di Corsica inde a crisa di u coronavirus. U 21 di marzu scorsu, hà lanciatu a Fundazione universitaria una campagna di culletta di fondi à prò di l’ospidale di a Misericordia d’Aiacciu, mubilizendu i so partinarii, l’intraprese, a cumunità universitaria, l’associu è tutt’ognunu. Hà permessu st’uperazione di racoglie più di 61 000 eurò incù circa 700 cuntributori. Hè statu fattu un primu donu à l’ospidale d’Aiacciu u 31 di marzu da pudè finanzià trè rispiradori chì costa ognunu 17 000 eurò.
« Avemu pigliatu cuntattu incù i stabilimenti sanitarii da pudè cunnosce i so bisogni in quantu à u materiale d’urgenza, accerta Graziella Luisi. Serà fattu un secondu donu toccu a fine di a culletta è hà da permette di finanzià parechji ecchippamenti impurtantissimi da pudè megliurà a presa in carica di i pazienti ».
Di pettu à e difficultà impettate da i medichenti è i persunali di i stabilimenti sanitarii sposti à u COVID-19, pò cuntà l’Università di Corsica nant’à a mubilisazione è l’inventività di tutti i so attori. Subbitu à l’iniziu di a crisa, si sò impegnati i laburantini di l’IUT di Corsica è di a Facultà di Scenze è Tecniche per mette in ballu a fattura di suluzione idroalcolica. Bellu scarsu in sti tempi d’epidemia, chì hè adupratu per pulisce e mani, hè statu mandatu prima issu pruduttu à l’Ehpad di Corti è à l’Accademia di Corsica da pudè appruvistà e scole chì accoglienu i zitelli di i medichenti. « Da quì à qualchì ghjornu, seranu capace e nostre squadre à pruduce d’altre quantità incù u sustegnu di u duminiu Mavella chì ci hà da mette à dispusizione e materie prime, face sapè Dominique Federici. Hè mubilizata l’Università per risponde à i bisogni di l’Ehpad di Corsica ma dinù di l’altri attori di u terrenu chì si puderianu truvà senza pruvista ».
Ghjustu à puntu, da u principiu di l’epidemia s’impegna anch’ellu u Fab Lab universitariu da pudè attrazzà i persunali chì sò sposti à i risichi di cuntaminazione. Per fà fronte à a penuria di mascare è d’arnesi di prutezzione, si sò messe in sesta parechje iniziative per pruduce visiere anti- prughjezzione incù una stampatrice in 3D. In giru à u Fab Lab di l’Università di Corsica, si hè urganizata una reta fatta da una quarantina di « makers » indipendenti, d’altri fab lab è da parechji licei di tutta a Corsica per fabricà di gratisi ste visiere incù una capacità di pruduzzione cullettiva di circa 450 pezze à ghjornu. « U nostru scopu hè di attrazzà i stabilimenti medicali è para-medicali, ma dinù e stituzione è l’intraprese chì serebbenu i so persunali in cuntattu cù a ghjente, spieca Vannina Bernard-Leoni, a direttrice di u polu Innuvazione è Sviluppu à l’Università di Corsica. Si puderanu buscà e viserie tutte st’urganisazione passendu simpliciamente una cummanda ».
Prova serà ch’elli sò mubilizati tutti l’arnesi di l’Università inde a lotta contru à u coronavirus, puru à u livellu scentificu chì hè statu messu à dispusizione u so platinu tecnulogicu. U 30 di marzu, hà ricevutu u so laburatoriu di virulugia, Bioscope Corsica Mediterraniu, l’aggradimentu di l’Agenzia regiunale di a salute (ARS) da pudè fà i testi di vistichera di u Covid-19 per i diagnostichi medicali. Hà raghjuntu tandu i dui altri laburatorii di l’isula chì ponu fà i testi, in Bastia è in Aiacciu. Riguardu i mezi d’oghje chì sò abbastanza debbuli, per via di una penuria di l’arnesi di prilevamenti, sò fatti di modu priuritariu st’analizi nant’à i persunali sanitarii è a ghjente chì prisentanu i risichi è chì sò pigliate in carica da u centru anti-Covid-19 di Corti, po seranu allargate dopu à d’altre regione di l’isula. Hè inde stu quadru ch’ella arreca l’Università di Corsica a so cuntribuzione per fà di a Corsica un territoriu di prima trinca da pudè cumbatte a malatia. D’altronde, hè statu custituitu un cullettivu « anti-Covid-19 Corsica », chì adunisce parechji membri di a cumunità universitaria è medicale po di a sucetà civile (incù circa 15 000 co-signatarii), per ch’elle sianu messe in ballu duie misure maiò : una vistichera per tutti di pettu à u Covid-19 inde l’isula è fà ch’ellu sia allargatu u quadru da pudè prescrive u trattamentu incù l’idrossiclorocchina.
Dapoi tandu, seguiteghjanu i 4700 studienti di u campus di Corti l’insignamenti in casa per via di una piattaforma di corsi in linea sviluppata da a so Direzzione di i Sistemi d’Infurmazione. S’ella esistia digià prima ch’ellu chjodi u stabilimentu, hè stata allargata l’offerta da pudè assicurà u megliu pussibule a cuntinuità pedagogica. Tandu, ci ponu arrecà l’insignanti unepochi di ducumenti, l’esercizii, i filmetti o prupone visiocunferenze. « Ci hà custretti sta situazione inedita è scuncertante assai à turnà à pensà i nostri schemi, à custruisce dispusitivi innuvanti è à turnà à inventà e nostre pratiche, spieca Dominique Federici, u presidente di l’Università di Corsica. Puru s’ellu ùn si puderà mai rimpiazzà a prisenza incù un corsu à distanza, u nostru scopu hè di mantene una leia stretta incù i nostri studienti è di mette tuttu in ballu per assicurà una cuntinuità pedagogica. Hè statu accoltu stu metudu di modu favurevule assai da a cumunità universitaria, chì hà adupratu prestu st’eserciziu incù più di 2600 corsi pruposti. U numeru di cunnezzione nant’à a piattaforma hè statu multiplicatu via quattru dapoi ch’ellu hè chjosu u campus ».
Da pudè accumpagnà i studienti inde stu periudu, si sò messi in ballu l’Università di Corsica è u Crous di Corsica per porghje a manu à quelli chì sò in difficultà per via d’una cellula di sustegnu cumposta d’assistante suciale è di persunali di a Direzzione di i Studii è a vita Universitaria. Sò dinù messi à dispusizione u materiale infurmaticu è l’aiuti finanziarii. Si sò impegnati propiu inde sta dimarchja a Fundazione di l’Università di Corsica è i so partinarii. Per un dettu, hà mubilizatu a Fundazione l’intraprese di a grande distribuzione da pudè mette boni di cumprera à dispusizione di i studienti in situazione di precarità è d’isulamentu. « Vene st’uperazione in cumplementu di quelle chì sò messe in ballu da l’Università è da u Crous, preciseghja Graziella Luisi, a direttrice di a Fundazione. Si sò digià fatti cunnosce una cinquantina di studienti in difficultà per via di a nostra cellula d’urgenza da ch’elli ne possinu benefizià ».
Intantu, ùn hè ristrinta à u campus di Corti l’azzione di l’Università di Corsica inde a crisa di u coronavirus. U 21 di marzu scorsu, hà lanciatu a Fundazione universitaria una campagna di culletta di fondi à prò di l’ospidale di a Misericordia d’Aiacciu, mubilizendu i so partinarii, l’intraprese, a cumunità universitaria, l’associu è tutt’ognunu. Hà permessu st’uperazione di racoglie più di 61 000 eurò incù circa 700 cuntributori. Hè statu fattu un primu donu à l’ospidale d’Aiacciu u 31 di marzu da pudè finanzià trè rispiradori chì costa ognunu 17 000 eurò.
« Avemu pigliatu cuntattu incù i stabilimenti sanitarii da pudè cunnosce i so bisogni in quantu à u materiale d’urgenza, accerta Graziella Luisi. Serà fattu un secondu donu toccu a fine di a culletta è hà da permette di finanzià parechji ecchippamenti impurtantissimi da pudè megliurà a presa in carica di i pazienti ».
Di pettu à e difficultà impettate da i medichenti è i persunali di i stabilimenti sanitarii sposti à u COVID-19, pò cuntà l’Università di Corsica nant’à a mubilisazione è l’inventività di tutti i so attori. Subbitu à l’iniziu di a crisa, si sò impegnati i laburantini di l’IUT di Corsica è di a Facultà di Scenze è Tecniche per mette in ballu a fattura di suluzione idroalcolica. Bellu scarsu in sti tempi d’epidemia, chì hè adupratu per pulisce e mani, hè statu mandatu prima issu pruduttu à l’Ehpad di Corti è à l’Accademia di Corsica da pudè appruvistà e scole chì accoglienu i zitelli di i medichenti. « Da quì à qualchì ghjornu, seranu capace e nostre squadre à pruduce d’altre quantità incù u sustegnu di u duminiu Mavella chì ci hà da mette à dispusizione e materie prime, face sapè Dominique Federici. Hè mubilizata l’Università per risponde à i bisogni di l’Ehpad di Corsica ma dinù di l’altri attori di u terrenu chì si puderianu truvà senza pruvista ».
Ghjustu à puntu, da u principiu di l’epidemia s’impegna anch’ellu u Fab Lab universitariu da pudè attrazzà i persunali chì sò sposti à i risichi di cuntaminazione. Per fà fronte à a penuria di mascare è d’arnesi di prutezzione, si sò messe in sesta parechje iniziative per pruduce visiere anti- prughjezzione incù una stampatrice in 3D. In giru à u Fab Lab di l’Università di Corsica, si hè urganizata una reta fatta da una quarantina di « makers » indipendenti, d’altri fab lab è da parechji licei di tutta a Corsica per fabricà di gratisi ste visiere incù una capacità di pruduzzione cullettiva di circa 450 pezze à ghjornu. « U nostru scopu hè di attrazzà i stabilimenti medicali è para-medicali, ma dinù e stituzione è l’intraprese chì serebbenu i so persunali in cuntattu cù a ghjente, spieca Vannina Bernard-Leoni, a direttrice di u polu Innuvazione è Sviluppu à l’Università di Corsica. Si puderanu buscà e viserie tutte st’urganisazione passendu simpliciamente una cummanda ».
Prova serà ch’elli sò mubilizati tutti l’arnesi di l’Università inde a lotta contru à u coronavirus, puru à u livellu scentificu chì hè statu messu à dispusizione u so platinu tecnulogicu. U 30 di marzu, hà ricevutu u so laburatoriu di virulugia, Bioscope Corsica Mediterraniu, l’aggradimentu di l’Agenzia regiunale di a salute (ARS) da pudè fà i testi di vistichera di u Covid-19 per i diagnostichi medicali. Hà raghjuntu tandu i dui altri laburatorii di l’isula chì ponu fà i testi, in Bastia è in Aiacciu. Riguardu i mezi d’oghje chì sò abbastanza debbuli, per via di una penuria di l’arnesi di prilevamenti, sò fatti di modu priuritariu st’analizi nant’à i persunali sanitarii è a ghjente chì prisentanu i risichi è chì sò pigliate in carica da u centru anti-Covid-19 di Corti, po seranu allargate dopu à d’altre regione di l’isula. Hè inde stu quadru ch’ella arreca l’Università di Corsica a so cuntribuzione per fà di a Corsica un territoriu di prima trinca da pudè cumbatte a malatia. D’altronde, hè statu custituitu un cullettivu « anti-Covid-19 Corsica », chì adunisce parechji membri di a cumunità universitaria è medicale po di a sucetà civile (incù circa 15 000 co-signatarii), per ch’elle sianu messe in ballu duie misure maiò : una vistichera per tutti di pettu à u Covid-19 inde l’isula è fà ch’ellu sia allargatu u quadru da pudè prescrive u trattamentu incù l’idrossiclorocchina.
Envoyer à un ami
Version imprimable
