Rinnovu Naziunali chjama à participà à a grande serata culturale in Corti, u 2 d'Aprile urganizata da l'associu "Parlemu corsu". Allora chi l'elleti di l'Assemblea di Corsica si so prununciati per a "cuufficialità" , u Guvernu francese ha decisu di rinnuncia à a prumessa di campagna di u so presidente di ratificà u Cartulare Auropeu di e Lingue Minoritarie.
In Francia ghje a tenostruttura di u Statu chi cummanda , vale à dî u Cunsigliu di Statu, è u Cunsigliu stituziunale.
U Guvernu un ha mancu cercatu à riunisce una maghjurità per u Cungressu, è quelli chi hanu vutatu per stu canditatu François Hollande, per via di sta pruposta di ratificazione, elli, so traditti.
A Francia ghje u paese u piu archaicu d'Auropa, è nega a vulunta demucratica di i Corsi, ma dinù di i Brittoni è i Baschi, è ghje un gattivu segnu per e pruposte di riforma purtati dà l'Assemblea di Corsica.
Si deve riflette à e cunsequenze di ssa negazione di i nostri diritti, a mubilisazione di i Corsi, cume quella di Marti, per fà campà a lingua corsa so disgia una risposta populare maio.
Associu Scrive in Corsu
L'associu lampa una chjama per participà à a serata di u 2 d'aprile in Corti urganizata da u cullettivu Parlemu Corsu.
Chjamemu tutti i nostri amichi nebbiulinchi è d'altrò à dà u so sustegnu à st'evenimentu. Ci pare ormai d'un impurtanza maiò di fà sente a so voce è d'alimentà u spiritu d'una dimarchja tale, sopratuttu oghje, à l'ora di e prumesse diventate fume.
Per chì a Francia piantessi di vede a diversità cum'è una minaccia, per ch'ella pigliessi infine cuscenza di a so realità plurale, per una sucietà corsa bislingua, una sola parolla dunque "Tutti in Corti" !
Associu Harley Davidson Bonifacienne, the Storm Riders
L’association Harley Davidson Bonifacienne, the Storm Riders, s’associe pleinement à la manifestation du 2 avril 2013 à Corté « pà una sucità bislingua » organisée par le collectif Parlemu Corsu.
Comme le montre la programmation de cette soirée, il est proposé un moment de convivialité et de revendication pour le vivre ensemble entre corsophone et non corsophone.
Il s’agit là de démontrer au président Hollande l’importance de la ratification de la charte des langues minoritaires, qui était sa 56ème promesse électorale.
Cette soirée est un événement important qui nécessite une participation massive.
Associu Scopre
L'associu scopre Chjama à participà à a manifestazione di u 2 d’aprile « Per una sucietà bislingua » urganizata da u culletivu "Parlemu corsu". Saremu prisenti in corti.
Aassocii A Venzulaschese, I Cavallieri di Corsica è A Fiera di San Brancà
Vi dumandemu à tutti di participà à serata di u 2 d'aprile in Corti per una sucietà bislingua. A nostra lingua hè viva, ùn lasciemu la more chì morta a Lingua, mortu u Populu.
Per l'Associu A Venzulaschese : Angelina Antonetti
Per l'associu I Cavallieri di Corsica : PetruSantu Guelfucci
Per l'associu A Fiera di San Brancà : Jean Marc Giammari
CCentru di musichi tradiziunali di Corsica
U Centru di musichi tradiziunali di Corsica chjama à participà à a ghjurnata di u cullitivu Parlemu Parlemu corsu in Corti u 2 d'Aprile 2013
Associu di parenti corsi
L'APC chjama tutti i parenti, i ghjovani è al dilà tutti i Corsi a partecipà à a sirata di Parlemu Corsu pà una suciità bislingua u Marti 2 aprili in Corti.
Issa manifestazioni hè, pà contu nosciu, a prima tapa di una mubilizazioni più maiò chi vidarà u populu corsu falà in carrughju pà custrigna u statu francesu à ricunnoscia l'ufficialità di a lingua corsa.
L'ultima dicizioni di u prisidenti di a ripubblica francesa di rivena nant'à a so prumessa aliturali di ratificà a cartula di i lingui minuritarii hè unu schiaffu à a tutti (bauloni mezi à i bauli) ch'ani cretu in li so paroli, ch'ùn erani di fatu cà foli è canzoni. Mà supratuttu hè una dichjarazioni di guerra à u populu corsu sanu. Sapemu avali, di modu quasi certu, chi nisun testu puri sprissioni magiuritaria di l'assemblea di Corsica, sarà accitatu da u statu francesu è chi u scopu di quissu hè di stirpà u populu corsu caccieduli à so lingua è a so tarra.
L'ore ùn devini più essa à i chjachjari ma à l'azzioni, à a lutta nant'à u tarrenu pà fà cedda issu schiffu di statu centralistu francesu. Cuminciemu subbitu tutti in Corti u 2 d'Aprili.
Petra Uchjata
L'associu Petra Uchjata sarà prisenti è chjama à participà à a manifestazioni di u 2 d’aprili « Pà una sucità bislingua » urganizata da u cullettivu Parlemu corsu.
Associu A Veghja
L’associu « À Veghja» di a Riventosa chjama à participà à a serata urganizata da u cullettivu « Parlemu Corsu » in Corti u 2 d’aprile.
Venite numerosi à fà festa incù noi è à fà vede chì a nostra lingua hè « SEMPRE VIVA » è ch’ella porta è purtera sempre i nostri valori per una mossa di una sucietà più sulidaria , più demucratica è per un sviluppu à long’andà.
Envoyer à un ami
Version imprimable
