Lingua corsa : Patriotti chjama ugnunu à participà à l'accolta urganizzata in Bastia u 29 di maghju
28/05/2021
Le communiqué
Rimetta in cori di a sucità corsa, incù un usu di tutti i ghjorni e à tutti i nivedda, a noscia lingua assufucata da u francesu, lingua di a duminazioni imposta, hè unu di i punti maiò di u nosciu impegnu. Ùn smintichemu mai chi par avè dittu innò à issa superiorità linguistica culuniali semu stati lampati in i carceri scuri di a Francia. Oghji, à mumentu chi si parlaia à quandu d'appacciamentu, à quandu d'andatura di paci, ci avvidimu chi a pulitica di u Statu ùn hà cambiatu e impighjurisci circhendu suttu suttu à ammutuliscia a noscia lingua par falla spariscia . Tumbà una lingua hè un crimini. U scopu statali hè di spigna ciò chi u riacquistu linguisticu è culturali porta è rinforza a sana cuscenza di u sintimu naziunali. PATRIOTTI chjama ugnunu à participà à l'accolta urganizzata da "Ch'elli campinu e nostre lingue" in Bastia u 29 di maghju, à 11 ori di mani di pettu à l'ispizzioni d 'academia. PATRIOTTI chjama tutti l'urganizzazioni, associ è paisani à custruì una mubilizzazioni populari par dì basta à ssa nova pruvucazioni culuniali. ÙN CI LACCHEMU FÀ ! PATRIOTTI
