Racolta Nataleccia in San Fiurenzu

O quanta ghjente oghje in San Fiurenzu è ancu d'altrò per a sòlita racolta Nataleccia pruposta da a Cunfraterna Santa Croce di San Fiurenzu.
Sò cinque anni avà ch'ellu hè in anda quellu partinariatu trà di a Cunfraterna è l'associu Opra Leccia pè e feste di fine d'annata.
À u fà di a racolta si sò aduniti i cunfratelli in chjesa Sant'Anna pè cantichjà arie natalesche, un bellu scontru è un abbrivu bellu di sulidarità è di spartera.