Cum'è indè parechji lochi di l'isula di Corsica, l'Immaculata Cuncezzione hè glurificata in stu ghjornu santu, à tempu di a Nazione Corsa.
Di fatti, sta sera in Lisula, cità fundata da Pasquale Paoli, eranu numarosi à rende umaggiu à a Vergine è à a Nazione Corsa. À 6 ore di sera, una messa cantata da i cunfraterni hè stata uffiziata da i preti Monka,Valery, Olivier Marie, u diacunu Del Piero, i frati di u cunventu di Curbara è e sore di u cunventu di Marcassu. Poi, tutti anu purtatu in gloria a santa patrona in i carrughji di a cità.
In principu di serata, sott'à u mercatu cupartu, u cumitatu di e feste " cumitatu Lisulanu" avia urganizatu una sirata cunviviale è tradiziunale cù pulenda è figatellu.
"Ghjè impurtante di festighjà l'8 di dicembre in Lisula. Sta manifestazione hè a festa di a Vergine Maria, santa patrona di l'isula è di a cita. Ma dinò a festa di a Nazione è di u Babbu di a nostra Patria. Celebrà l'8 di dicembre mantene a lega trà i Balanini" priciseghje Josée Buisson, membra di u cumitatu.
Envoyer à un ami
Version imprimable
