Piazza di a puesia - Henri Medori

                                                                    Sò u tempurale

 
                                                                   Sò u tempurale
                                                                   Stridi di e stelle
                                                                   Cum’è i pienti d’i zitelli
                                                                   Aghju acqua è ventu
                                                                   In lu mio spurtellu.

 
                                                                   Sò u tempurale
                                                                   Sbattu finestre è porte
                                                                   E chì u diavule e sin’importa
                                                                   Quandu un nulu si rivorta

                                                                   Sò u tempurale
                                                                   Un c’hè piazza per l’arietta
                                                                   Quandu cappiu la mio saietta
                                                                   Tenite forte la baretta !

                                                                   Sò u tempurale
                                                                   Facciu scappà la ghjente
                                                                   E s’ell’hè notte vi cacciu e botte
                                                                   E dopu ind’u lettu vi fangottu
                                                                   Di paura chjuvite l’ochji
                                                                   Quand’u mio lampu schjoppa.

 
                                                                   Sò u tempurale
                                                                   E oghje per li galloni
                                                                   Di l’armata à spaventoni
                                                                   Chjamatemi Generale !